Разважанні ад айцоў марыянаў на штодзень

Панядзелак, 14 Лістапад 2016 17:04 Аўтар

У сувязі са святкаваннем 500-годдзя беларускай Бібліі айцы марыяне запрашаюць да штодзённага разважання літургічных чытанняў.

Кожны дзень, пачынаючы з 27 лістапада, на нашым сайце будзе з’яўляцца каментарый да Божага Слова, падрыхтаваны праз кангрэгацыю айцоў марыянаў.

Каментарыі будуць друкавацца на старонках каталіцкга весніка (http://catholicnews.by/razvazhanni-ad-ajtsou-mary-yanau-na-shtodzen/), на росіцкай старонцы (http://mic-rosica.by/) і ў мабільных сістэмах IOS, Android (Малітоўнік - http://catholicnews.by/z-yavilasya-novae-pry-lazhe-nne-malitou-nik-dlya-android/). 

Адышоў у вечнасць бацька а. Міхаіла Цвячкоўскага MIC

Панядзелак, 31 Кастрычнік 2016 21:28 Аўтар

У ноч з 30 на 31 кастрычніка на 73-м годзе жыцця адышоў у вечнасць Міхаіл Цвячкоўскі — бацька а. Міхаіла Цвячкоўскага МІС, пробашча нашай парафіі ў Жодзіне.

Пахавальная святая Імша адбудзецца 2 лістапада ў парафіі Унебаўзяцця Найсвяцейшай Панны Марыі ў Мёрах у 13 гадзін.

Ад імя а.Канстанціна, касцёльнага камітэту, ўсіх парафіян, выказваем сардэчнае спачуванне ксяндзу Міхаілу, а таксама яго родным и блізкім. 

Вечны адпачынак дай яму, Пане.

Святая Імша за памерлых

Нядзеля, 30 Кастрычнік 2016 21:31 Аўтар

адбылася сёння на усходніх могілках горада Жодіна. Пагодныя ўмовы не спрыялі, але ўсё ж людзі прыйшлі, каб памаліцца аб сваіх родных і блізкіх, якія ўжо адыйшлі ў вечнасць. Традыцыйна, з наступнага дня пасля урачыстасці Ўсіх Святых, пачынаецца перыяд, калі каталіцкі Касцёл моліцца за душы памерлых сваіх продкаў, за душы, якім мы можам дапамагчы нашай малітвай дасягнуць вечнасці з Богам. 

Звычай памінальных дзён, як і кожная іншая традыцыя веры, — гэта вялікі практычны дапаможнік у хрысціянскім жыцці, таму нам трэба шанаваць здаровую спадчыну продкаў. Яе пазнанне адкрывае шырокія магчымасці для больш свядомага і глыбокага перажывання шматвяковага духоўнага вопыту Касцёла. Гэта тая каштоўнасць каталіцкай веры, якую варта адкрываць, карыстацца ёю і дзяліцца, асабліва з братамі і сёстрамі па веры.

Вестка з Любліна

Серада, 05 Кастрычнік 2016 11:47 Аўтар

1 кастрычніка ў семінарыі Ордэна Айцоў Марыянаў у Любліне адбыліся вечныя абеты. Сярод складаючых - беларус Канстанцін Гушча з Наваполацка. Урачыстаць вечных абетаў узначаліў Правіцныял Польскай правінцыі а. Павел Наўмовіч МІС. Таксама ў святкаванні важнай падзеі прыняў удзел кіраўнік вікарыяту марыянаў ў Беларусі а. Міхаіл Цвячкоўскі МІС.

У часе складання вечных манаскіх абетаў кандыдат абяцае назаўсёды прыналежыць Богу ў канкрэтным манаскім Ордэне захоўваючы шлюбы чысціні, убогасці і паслухмянасці.

На сёняшні дзень у фармацыі Айцоў Марыянаў на розным этапе знаходзіцца 6 асобаў.

Па парафіях архідыяцэзіі адбудзецца перэгрынацыя фігуры Маці Божай Фацімскай

Нядзеля, 25 Верасень 2016 09:20 Аўтар

(па матэрыялах www.catholic.by)

У межах падрыхтоўкі і святкавання юбілею 100-годдзя фацімскіх аб’яўленняў адбудзецца перэгрынацыя фігуры Маці Божай Фацімскай па парафіях Мінска-Магілёўскай архідыяцэзіі. Фігура, асвечаная ў Фаціме 4 кастрычніка, будзе ўрачыста ўнесена ў мінскую архікатэдру 13 кастрычніка ў 18.30. 

16 кастрычніка, пасля святой Імшы ў 13.00, распачнецца пілігрымаванне фігуры па парафіях архідыяцэзіі паводле распрацаванага графіку. З мінскай архікатэдры яна будзе перавезена ў магілёўскую катэдру.

Пасля заканчэння перэгрынацыі фігура Маці Божай Фацімскай будзе змешчана ў бочным алтары мінскай архікатэдры, які будзе змайстраваны да 100-годдзя фацімскіх аб’яўленняў. 

Нагадаем, што гэта ўжо не першая перэгрынацыя фацімскай фігуры ў гісторыі Каталіцкага Касцёла ў нашай краіне. У 1997 фігура Маці Божай была прывезена з Фацімы тагачасным арцыбіскупам Мінска-Магілёўскай архідыяцэзіі кардыналам Казімірам Свёнткам. Перэгрынацыя была арганізавана па ўсёй Беларусі і працягвалася да 1998 года

"Рыбы" пазнаёмілі са сваімі новымі творамі

Аўторак, 30 Жнівень 2016 18:08 Аўтар

Пачынаем навучальны год

Панядзелак, 29 Жнівень 2016 22:59 Аўтар

28 жніўня адбылася Cвятая Імша перад пачаткам навучальнага года з асвяченнем школьных прыналежнасцяў. Таксама асабістае благаслаўленне атрымалі і дзеці, і настаўнікі. Айцец Міхаіл Цвячкоўскі, які цэлебраваў Імшу, нагадаў, што асвечаныя сшыткі і заплечнікі не будуць чароўным чынам прыносіць добрых адзнак, але каб іх атрымаць, патрэбна праца. Натхніў дзяцей актыўна спазнаваць свет ведаў. Але тыя веды, што атрымліваем ў школе, не будуць паўнавартаснымі, калі не пазнаем Пана Бога, які дае нам найважнейшыя веды. Маленькія вучні слухалі ўважліва і паабяцалі, што кожны тыдзень будуць наведваць заняткі па катэхэзе. Настаўнікаў жа айцец Міхаіл заахвоціў не толькі добрасумленна выконваць сваю працу, але і быць для дзяцей мудрымі настаўнікамі ў жыцці, адкрываць ім праўду, што прыводзіць да Бога. 

 

СДМ у Кракаве

Пятніца, 19 Жнівень 2016 11:07 Аўтар

Вяртаючыся летась са спаткання марыянскай моладзі ў польскай Гуры Кальварыі, мы дакладна ведалі, што наступным летам зноў прыедзем ў гэтыя мясціны, але ўжо па іншай прычыне – на Сусветныя Дні Моладзі. Тады гэта былі толькі планы, але ў сэрцы ўжо пакрыху з’яўлялася моцнае прагненне не толькі ўбачыць Папу Францішка, але і паўдзельнічаць у такім глабальным і насамрэч гістарычным спатканні маладых хрысціянаў з усіх кантынентаў. Ішоў час, і паступова туманная перспектыва пачынала ператварацца ў выразны план на будучае. І вось мы дачакаліся, паехалі, перажылі, вярнуліся дадому і зараз, пераступіўшы праз этап эйфарыі ад пілігрымкі, хочам з ціхай і светлай радасцю падзяліцца з вамі нашымі ўражаннямі.

Святы Станіслаў Папчынскі

Панядзелак, 08 Жнівень 2016 20:58 Аўтар

«Не бойцеся сведчыць пра Хрыста»: Папа Францішак на завяршэнне СДМ заклікаў моладзь даверыцца Божай Міласэрнасці

Панядзелак, 01 Жнівень 2016 16:21 Аўтар

(Паводле матэрыялаў www.catholic.by)

Каля двух мільёнаў вернікаў прыняло ўдзел у святой Імшы з Папам Францішкам, якая 31 ліпеня прайшла ў Бжэгах пад Кракавам і стала завяршальнай падзеяй Сусветных дзён моладзі. Варта адзначыць, што адных толькі святароў на святой Імшы прысутнічала 12 тысяч.