Пастырскае пасланне Мітрапаліта Тадэвуша Кандрусевіча на Вялікі пост 2017

Пятніца, 03 Сакавік 2017 11:07 Аўтар

Глыбокапаважаныя святары, кансэкраваныя асобы, браты і сёстры!

1. Юбілей 100-годдзя фацімскіх аб’яўленняў, які сёлета Каталіцкі Касцёл у Беларусі адзначае разам з паўсюдным Касцёлам, заклікае нас да навяртання. Нагадвае аб гэтым і дэвіз пастырскага года: «Фацімскія аб’яўленні — шлях да навяртання».

Падчас сваіх аб’яўленняў у Фаціме ўмовай да нармальнага шчаслівага жыцця Марыя назвала малітву і навяртанне (пар. http://www.vatican.va/roman_curia/congregations/cfaith/documents/rc_con_cfaith _doc_20000626_message-fatima_pl.html)).

Яе заклік не страціў сваёй актуальнасці і ў наш час.

Грамніцы

Чацвер, 02 Люты 2017 22:42 Аўтар

"Цяпер па слову Твайму, Пане, адпускаеш слугу Твайго ў супакоі. Бо вочы мае ўбачылі Тваё збаўленне, якое Ты падрыхтаваў перад абліччам усіх народаў." (Евангелле ад Лукі, гл. 2.)

Гэтыя словы адносяць нас у тыя часы, калі Святыя Марыя з Юзафам прынеслі у храм сваё першае дзіця каб ахвяраваць яго Пану Богу. Так яны выконвалі прадпісанне Старога Запавету. Ў той час жыў у Ерузалеме чалавек, якога звалі Сімяон. Духам Святым яму было прадказана, што не памрэ, пакуль не ўбачыць Сына Божага. Сімяон, убачыўшы дзіцятка, ўзяў яго на рукі і сказаў: "Цяпер па слову Твайму, Пане, адпускаеш слугу Твайго ў супакоі. Бо вочы мае ўбачылі Тваё збаўленне, якое Ты падрыхтаваў перад абліччам усіх народаў".

ФАЦІМСКАЕ ПАСЛАННЕ МАРЫІ — ШЛЯХ ДА НАВЯРТАННЯ

Аўторак, 10 Студзень 2017 13:21 Аўтар

Пастырскае пасланне Мітрапаліта Тадэвуша Кандрусевіча на 2017 год

Глыбокапаважаныя святары, кансэкраваныя асобы, браты і сёстры!

1. Згодна з рашэннем Канферэнцыі Каталіцкіх Біскупаў у Беларусі, пастырская праграма 2017 г. прысвечана 100-годдзю аб’яўленняў Божай Маці ў Фаціме, якія мелі фундаментальнае значэнне ў трагічнай гісторыі нашага народа ў ХХ стагоддзі, і такімі застаюцца надалей. Дэвіз года, які распачаўся: «Фацімскае пасланне Марыі — шлях да навяртання». Усе мы грэшнікі і ўсе патрабуем навяртання, без якога немагчымым з’яўляецца нармальнае духоўнае і грамадскае жыццё.

«Прыйдзі, прыйдзі, Эмануэль»

Нядзеля, 08 Студзень 2017 14:34 Аўтар

Яшчэ больш на старонцы http://catholic.by/2/home/authors-rubrics/mix/124120-pesni.html

Святкуем каляды. Дзіцячая пастанова "Батлейка"

Панядзелак, 26 Снежань 2016 20:36 Аўтар

Відеа і фотарэпартаж

Са святам Божага нараджэння!

Нядзеля, 25 Снежань 2016 16:05 Аўтар

Кожны чалавек любiць Свята Божага Нараджэння. Гэта зусiм нядзiўны факт, таму што кожны з нас любіць падарункі, сюрпрызы, многія іншыя прыемнасці, з якімі звязаны гэты чароўны перыяд. Аднак чаканні ад святаў ва ўсіх нас розныя: для кагосьці самым жаданым падарункам будзе новы мабільны тэлефон, або вялізны тэлевізар, а для кагосьці гэта доўгачаканая сустрэча з блізкімі, прымірэнне, развязанне канфлікту, выпраўленне крыўды пасля немалога адрэзку часу… 

Раратняя Імша. Рэкалекцыі.

Субота, 10 Снежань 2016 13:28 Аўтар

"Хто з вас кожны дзень глядзіць тэлевізар? А якія гэта перадачы? Серыялы? Але часцей за ўсё - навіны?" - з гэтых пытанняў пачаў размову з прысутнымі ксёндз-рэкалекцыяніст Андрэй Сідаровіч МІС, які завітаў да нас з Росіцы.

І выявілася, што многія ўвогуле не глядзяць тэлевізар. Адказ такі: няма чаго глядзець. Альбо мала чаго. Узнікае пытанне: можа дрэнна працуюць рэжысёры дзяржаўнай тэлерадыёкампаніі? Але гэта асобнае пытанне і патрабуе асобнай дыскусіі.

Камерцыйнае тэлебачанне сёння разлічана на простага сярэднестатыстычнага гледача, якому цікавыя крымінальныя навіны, эстрадныя канцэрты, серыялы, палітычныя ток-шоу і г.д. Менавіта ў такіх перадач самы вялікі рэйтынг, а значыць рэкламу ўбачыць вялікая аўдыторыя. 

Перэгрынацыя фігуры Маці Божай Фацімскай у Жодзіна

Пятніца, 09 Снежань 2016 13:33 Аўтар

Вернікі ў Жодзіна аддаюць пашану Маці Божай. Перэгрынацыя фігуры Панны Марыі па Беларусі пачалася з партугальскай Фацімы і цяпер яна з 8 снежня, ca свята Беззаганнага Зачацця, ў нашай парафіі. Такім чынам мы зноў і зноў вяртаемся ў сваіх думках на 100 гадоў назад, калі у Фаціме Найсвяцейшая Панна Марыя аб'яўлялася дзецям на працягу шасці месяцаў. Успамінаем, аб чым яна прасіла нас.

Пастырскі ліст Канферэнцыі Каталіцкіх Біскупаў у Беларусі на ўрачыстасць Беззаганнага Зачацця Найсвяцейшай Панны Марыі

Чацвер, 08 Снежань 2016 14:36 Аўтар

Умілаваныя ў Хрысце браты і сёстры!

«Найсвяцейшая Панна Марыя з першай хвіліны свайго зачацця, моцаю ласкі і прывілею ўсемагутнага Бога, моцаю прадбачаных заслугаў Езуса Хрыста, Збаўцы чалавечага роду, была захаваная ад усялякай заганы першароднага граху» (Пій IХ, Апостальская канстытуцыя Ineffabilis Deus).

Урачыстасць Беззаганнага Зачацця Найсвяцейшай Панны Марыі, якую мы сёння адзначаем, нагадвае нам праўду пра тое, што Марыя з моманту свайго зачацця была захаваная ад першароднага граху. Дзякуючы гэтай свабодзе ад граху і сваёй дасканаласці Яна стала блізкай людзям. Яе блізкасць да кожнага чалавека нельга ні з чым параўнаць. Бо тым, што раздзяляе і аддаляе людзей адзін ад аднаго, з’яўляецца эгаізм, які вынікае з граху і якога не было ў Марыі.

Пастырскае пасланне арцыбіскупа Тадэвуша Кандрусевіча на Адвэнт 2016

Нядзеля, 27 Лістапад 2016 20:14 Аўтар

Прыйдзі, Пане, і знайдзі нас чуваючымі!

Глыбокапаважаныя святары, кансэкраваныя асобы браты і сёстры!

1. Сёння Каталіцкі Касцёл распачынае новы літургічны год, распачынае Адвэнтам. Слова “Адвэнт” азначае прыйсце. Падчас яго мы ўспамінаем першы гістарычны Адвэнт, які завяршыўся ўцелаўленнем Божага Сына больш за 2000 гадоў таму; нагадваем аб Яго другім прыйсці ў славе напрыканцы часоў, каб судзіць жывых і памерлых; нарэшце, рыхтуемся да святаў Божага Нараджэння. У гэты час мы таксама засяроджваем нашу ўвагу на праўдзе Яго прыйсця да нас у Божым слове і ў сакрамэнтах, найперш у Эўхарыстыі, і ў справах міласэрнесці.