Лета ў Тэзэ!

Серада, 25 Ліпень 2012 20:30 Аўтар

У гэтым месяцы невялікая група моладзі з ліку вернікаў нашай парафіі наведала даволі цікавую мясціну у французскай Бургундыі. Тут, у мястэчку Тэзэ яшчэ ў 1940 годзе была заснавана супольнасць, якая аб'ядноўвае прадстаўнікоў розных хрысціянскіх канфесій, у асноўным каталікоў і пратэстантаў. Члены супольнасці называюць сябе братамі і даюць зарок дзяліць адзін з адным матэрыяльныя нягоды і духоўныя даброты, праводзіць жыццё ў бясшлюбнасці і прастаце. Некаторыя з іх жывуць маленькімі групамі - «братэрствамі» - сярод самых бедных людзей у іншых краінах. Браты не прымаюць ні падарункаў, ні ахвяраванняў на суполку, яны жывуць тым, што зарабляюць самі. Сёння супольнасць налічвае каля ста братоў, больш за дваццаць пяць нацыянальнасцяў. Супольнасць у Тэзэ з'яўляецца адным з найбуйнейшых цэнтраў паломніцтва хрысціянскай моладзі з больш чым 25 краін свету, аб'яднаных хрысціянскімі традыцыямі.

Сваімі ўражанямі падзялілася удзельніца пілігрымкі Юлія Лыскавец.

Працяг пілігрымкі ў Будслаў.

Субота, 07 Ліпень 2012 21:38 Аўтар

Па просьбе рэдакцыі сайта свае вершы, напісаныя падчас пілігрымкі ў Будслаў, пагадзілася апублікаваць Яўгенія Чакур.

Але спачатку відеазамалёўкі  Удот Дзмітрыя.

 

Да Маці Божай Будслаўскай!!!

Аўторак, 03 Ліпень 2012 09:55 Аўтар

Будслаў... Маці Божая Будслаўская...У некаторых, хто чытае зараз гэтую старонку, гэтыя словы не выклікаюць асаблівых асацыяцый. Але для соцен тысяч вернікаў-католікаў Будслаў - гэта не толькі вясковая мясціна на Беларусі, гэта часціна сэрца, гэта незабыўныя моманты неапісальнай радасці сустрэчы са святасцю, гэта незабыўныя пачуцці, для кожнага чалавека напэўна свае...

Будслаў... Маці Божая Будслаўская...Невялічкая вёска у мядзельскім раёне мінскай вобласці. І неяк вельмі велічна на фоне гэтага вясковага пейзажу выглядае Нацыянальны Санктуарый Маці Божай Будслаўскай. У яго галоўным алтары - цудоўны вобраз Маці Божай Будслаўскай, Апякункі нашага краю. І гэта не проста словы....

Гісторыя сведчыць, што цудоўнае аб'яўленне Маці Божай айцам-бернардынам адбылося на гэтым месцы яшчэ ў 1588 г. Хіба з таго часу і распачаліся першыя пілігрымкі. Мясцовыя старажылы апавядаюць, што «і за царом, і за Польшчаю, і за саветамі» 1 і 2 ліпеня ішлі да Маці Божай пілігрымы з усіх куткоў Беларусі і з-за яе межаў (з Варшавы і з Вільні)…

"І калі яны елі, Езус, узяўшы хлеб, благаславіў, ламаў і даваў ім..."

Нядзеля, 10 Чэрвень 2012 20:56 Аўтар

Свята Цела і Крыві Хрыстовых (Corpus Christi) адзначаецца штогадова ў чацвер пасля Тройцы і з’яўляецца больш урачыстым адпраўленнем святой еўхарыстыі ў параўнанні са штодзённай святой імшой.

Каталіцкі касцёл разглядае еўхарыстыю (сакрамент камуніі) як святарны дар, які Хрыстус пакінуў сваёй царкве, і які быў усталяваны падчас таемнай вячэры. Ахвяра, якая была складзеная Езусам у выглядзе хлеба і віна ў Ерусалімскай святліцы, - гэта своеасаблівая “форма”, у якой ахвяра на крыжы ўвасабляецца ў касцельным жыцці. Святая камунія – гэта ўдзел вернікаў у ахвяры Хрыста, які дапамагае нам прыпадабніцца Божаму Сыну.

Гадавіна першай Камуніі...

Панядзелак, 04 Чэрвень 2012 19:40 Аўтар

3 чэрвеня ў нашай парафіі адбылася гадавіна першай святой камуніі. Год таму чацвёра дзяцей першы раз у жыцці перажылі святую споведзь і прынялі Хрыста ў сваё сэрца. У нядзелю Найсвяцейшай Тройцы дзеці разам з бацькамі ўрачыста перажылі ўспамін гэтай незабыўнай падзеі.

Калі трэба - папрацуем!

Чацвер, 31 Май 2012 23:48 Аўтар

29 мая ў парафіі адбыўся вечар супольнай працы. Уладкоўваць касцёльную тэрыторыю прыйшлі мужчыны, жанчыны і нават дзеці. Усяго 30 чалавек.

Шчырая падзяка тым, хто прысвяціў у гэты вечар свой час, дапамагаючы ў справах Касцёла.

 

"...Любоў Божая пралілася ў сэрцы нашыя Духам Святым, даным нам" (Рым. 5, 5).

Панядзелак, 28 Май 2012 21:09 Аўтар

27 мая тысячы каталікоў ва ўсім свеце адзначалі Свята спаслання Святога Духа. У нашай парафіі да гэтага свята далучылася  яшчэ адно: 8 дзяцей прынялі Першую камунію! Восем маленькіх сардэчкаў пачалі біцца разам з сэрцам Міласэрнага Хрыста! З кожным чалавекам, які прыняў Цела  Хрыста неба становіцца святлей, разыходзяцца хмары грахоў і з'яўляецца надзея, надзея на сустрэчу з Нябесным Айцом....

Адпачываем разам.

Субота, 26 Май 2012 22:18 Аўтар

У нашым касцёле рэгулярна праводзяцца розныя цікавыя мерапрыемствы.

Напрыклад: 26 мая мы з маімі аднагодкамі, а таксама разам з ксяндзамі а. Міхаілам і а. Паўлам паехалі на роварах на пікнік.

Месца выбралі на узлеску у шасці кіламетрах ад г. Жодзіна. Было вельмі весела. Мы гулялі у розныя гульні, рабілі смачнае барбекю, разам маліліся.

Такія мерапрыемствы - выдатны спосаб адпачыць, прыемна пагутарыць і ўвогуле - добра правесці час.

Школа Хрысціянскага Жыцця і Евангелізацыі развітваецца з Жодзіна

Нядзеля, 20 Май 2012 00:16 Аўтар

Шосты год праходзяць у Беларусі рэкалекцыі пад назвай «Школа хрысціянскага жыцця і евангелізацыі». Адбываюцца яны у розных месцах. Да гэтага былі горад Орша, Баранавічы і іншыя. Сёння чарговая сесія праходзіла у г. Жодзіна Мінскай вобласці. Людзі розных узростаў, ад 16 да 65 гадоў, разам уважліва і з вялікай цікавасцю слухалі Божае Слова, выказвалі свае уражанні, перажыванні. Праводзілі рэкалекцыі а. Міхаіл Цвячкоўскі МІС, а. Аляксандр Жарнасек МІС, а. Тамаш Міка OP. У нядзелю 20 мая 2012 года у 11 гадзін святочная імша завяршыла чарговую сессію.

 

Пачаліся рэкалекцыі у Школе Хрысціянскага Жыцця і Евангелізацыі

Субота, 19 Май 2012 00:08 Аўтар

Шырока адчыніў дзверы касцел у Жодіне. Сення ен прымае сто двадцаць слухачоў Школы Хрысціянскага жыцця і Евангелізацыі.